Hots Gurasoak, Sortzen Elkartea sare publikora bazkidetuta, Erreniega herri ikastetxeko gurasoen elkartea da.
Gurasoek haien seme-alaben
hezkuntzaren inguruan dituzten kezkak, zalantzak eta iradokizunak bideratzeko
toki egokiena da.
Elkarteak Erreniega Ikastetxe
Publikoan ikasketak burutzen dituzten ikasleen gurasoak eta tutoreak
ordezkatzen ditu eta guraso bazkide guztiek osatzen du. Hezkuntza erkidegoa
osatzen duen neurrian, gure seme-alabek hezkuntza baldintzak hoberenak izan
ditzaten lan egiten du.
1.999. urtean sortu zenetik,
honako hauek izan dira eta dira elkartearen helburu nagusiak:
Ø Ikastetxe honetan
ikasten duen ikasleriaren hezkuntza baldintzak hoberenak izan daitezen, hau da,
irakasleria, baliabideak eta instalazioak ahalik eta hobekien lortzea.
Ø Gurasoei laguntza
ematea, amankomuneko edo banakako arazoen jarraipenaren bitartez, haien
seme-alaben hezkuntzari buruzko gai guztietan.
Ø Euskaraz antolatzen
diren ekintza guztietan parte-hartzea bultzatzea, Euskara bultzatzen duen
guztia babesten.
Ø Zentroko kudeaketan
gurasoen partaidetza bultzatzea, Elkarteko iharduerarik garrantzitsuenak
komunikabideren bidez aldarrikatuz, modua eta maiztasuna zehaztekotan izanik.
Ø Giro begirunetsua
posible egitea galga guztietan, sexuaren araberako ez baztertzailearen
heziketan oinarrituta, non emakumeen eta gizonen aniztasuna errespetatzen den
eta batzuen zein besteen bereiztasunak hartzen baitira aintzat, persona guztien
arteko aukera berdintasun benetakoa eta egiazkoa sustatuz.
Helburu guzti hauek lortzeko, Hots Gurasoak elkartea batzorde sistema batez
antolatuta dago. Hilabetean behin Zuzendaritza Taldearen bilerak egiten ditu
eta bazkide guztiei irekitako Zuzendaritza Taldearen bilerak hilabetean beste behin ere egiten ditu.
Bilera hauek Guraso Elkarteko gelan izaten dira 15:00etatik 16:30ak bitarte.
BATZORDEAK
- Eskola Kontseilua Batzordea. Batzorde hau gurasoen ahotsa da Ikastetxeko Eskola-Kontseiluan.
- Bizikidetza Batzordea. Eskolarekin batera galga guztietan giro begirunetsua posible egiteko lan egiten du, guztion artean errespetuzko elkarbizitza baten oinarriak.
- Eskolaz Kanpoko Jarduerak Batzordea. Ikastetxean eskaintzen diren eskolaz kanpoko jarduerak kudeatzen ditu (askotariko ekintzak, zirkua, dantza eta mugitu, xakea...).
- Jaiak Batzordea. Gaztain-festa, Olentzero, Korrika, Inauteriak, Sortzeneko jaiak, ikasturte bukaerako jaia... antolatzen eta garatzen duen batzordea.
- Kanpo Harremanak Batzordea. Beste elkarte batzuekin, Zizurreko beste eskoletako elkarteekin, eta Bertako Paktoarekin lan egiten du.
- Bazkideak eta Haurtzaindegia Batzordea. Kurtso bakoitzean bazkide zerrenda eta Haurtzaindegi-zerbitzua kudeatzen du.
- Sortzen Batzordea. Hots gurasoak eta Sortzen Elkartea sare publikoaren arteko lotura da, “Euskaraz Mintza” proiektua, “Errigora” kanpaiana edota gurasoentzako tailerrak antolatzen duena, eta era berean zerbitzuak eskaintzen dituena, esaterako, aholkularitza juridikoa.
- Diruzaintza Batzordea. Guraso Elkarteko kontuak kudeatzen ditu.
- Itzulpengintza. Komunikazioetan euskararen erabilera ahalbidetzen duen batzordea.
- Blogaren kudeaketa. Blog hau eguneratzeko arduraduna da.
Ikastetxean dagoen “Euskaraz mintza” proiektua ere laguntzen dugu, baita
gurasoentzat (autoestima eta autonomia,...) eta ikasleentzat (informatika, makanografia,
CNAi-rekin ingelesa, trikitixa eta panderoa, sare sozialen erabilera) zenbait ikastaro antolatu ere.
Gure ustez, bazkidea izatea eta Guraso Elkartean parte hartzea gure
seme-alabeentzat kalitatezko nahi dugun hezkuntza lortzeko egokiena da eta
horregatik, bazkide egiteko eta gurekin batera lan egiteko gonbidapena igorri
nahi dizuegu.
